EPL Leo Arsenal Dimbani Na Norwich City

Tarehe April 29, 2016

Kocha wa Arsenal Arsene Wenger akiwa na mshambuliaji wake Olivier Gioud

Ligi kuu ya soka ya England inaendelea tena hapo kesho kwa michezo kadhaa,Everton ni wenyeji wa Bournemouth, Newcastle United wanawaalika Cristal Palace,Stoke city dhidi ya,Sunderland,Watford watachuana na Aston Via,West Brom wanawaalika West Ham United, na Arsenal watakuwa wenyeji wa Norwich city.

Hadi sasa ligi hiyo inaongozwa na Leicester city yenye alama 76,Tottenham alama 69,Man city alama 64 sawa na Arsena yenye alama 64.

Katika nafasi ya mwisho katika msimamo Timu za Aston via na Newcastle ndio Timu zinazoburuza mkia kufuatia kuwa na alama chache kuliko Timu zote,Idhaa ya Kiswahili ya BBC itakutangazia mechi kati ya New castle Unite na Cristal palace.

Panga Pangua Ya Kamati Za Bunge Yawakera Wabunge

Tarehe April 29, 2016

Spika wa Bunge, Job Ndugai

Spika wa Bunge, Job Ndugai amefanya mabadiliko mengine ya kamati za Bunge kwa kuwaongeza wabunge wapya na kuwahamisha wengine kwenda kwenye kamati nyingine, jambo ambalo limepingwa na baadhi ya wabunge wakidai linapunguza ufanisi.

Katika taarifa iliyotolewa na Kitengo cha Habari na Mawasiliano cha Bunge, mabadiliko hayo yamefanyika kwa mujibu wa kanuni ya 116 (3) na (5) ya Kanuni za Kudumu za Bunge za mwaka 2016, ili kuhakikisha kila mbunge anakuwa mjumbe wa kamati mojawapo ya Bunge.

Juzi, Kwa mara ya pili, Spika Ndugai aliwaongeza wabunge wanne wapya walioapishwa bungeni Aprili 19, kwenye kamati za Miundombinu; Ardhi, Maliasili na Utalii; Kilimo, Mifugo na Maji; na Mambo ya Nje, Ulinzi na Usalama.

Mbunge wa Kigoma Mjini, Zitto Kabwe (ACT Wazalendo), alisema mabadiliko hayo yanaonyesha namna ambavyo Spika Ndugai ‘anavyokosa umakini katika uundaji wa kamati hizo’.

Naye Mbunge wa Mwibara, Kangi Lugola (CCM) alisema mabadiliko yanayofanywa hayawezi kuleta tija katika bunge hilo, kwani watu wanashindwa kujipanga vyema kwa kuwa hawajui kesho itakuwaje.

Naibu Spika Azua Gumzo Kwa Kumuita Mbunge ‘ Bwege’

Tarehe April 29, 2016

Naibu Spika wa Bunge Tulia Ackson.                                                                       Naibu Spika Tulia Ackson amezua gumzo Bungeni jana  kufuatia  kumuelezea mbunge wa Kilwa Kusini (CUF), Selemani Said Bungara kuwa ni bwege.

 “Na wewe Mheshimiwa Bwege, hebu kaa chini. Usionyeshe ubwege wako hapa,” alisema Dk Ackson kumzuia mbunge huyo asiendelee kuzungumza wakati  wa mjadala.

Kitendo cha kutumia neno bwege kumuelezea mbunge huyo kilisababisha wapinzani wacharuke, na kuibua bungeni kesi ya mtu aliyefunguliwa mashtaka mkoani Arusha kwa kosa la kumuelezea Rais John Magufuli kuwa ni bwege.

Bila ya kuruhusiwa, mmoja wa Wabunge  alifungua kipaza sauti na kusema: “Hatimaye msamiati wa bwege watua bungeni sasa kutumika rasmi. Futa lugha ya kuudhi; bwege bwege.”

Akizungumzia suala hilo Mbunge wa Moshi Vijijini (Chadema), Antony Komu alisema: “Kauli iliyotolewa na Naibu Spika inaonyesha wazi kuwa ni kiongozi anayekiuka misingi, taratibu na kanuni za Bunge. Tazama anatukana watu tu bila kujali jambo lolote, hii si sawa kabisa.”

Naye Mbunge wa Kalenga (CCM), Godfrey Mgimwa alisema Dk Tulia alighafilika wakati akitoa kauli hiyo baada ya kurushiwa maneno mara kwa mara na wabunge wa upinzani, tena bila kufuata kanuni na taratibu za kibunge.

Hivi karibuni  Mkazi wa  Arusha, Isaack Habakuk Emily alipandishwa kizimbani  akikabiliwa na shitaka la kumuita Rais kuwa ni bwege.

Kina Ronaldo Washatua Manchester City Ona Picha

Tarehe April 26, 2016

Ronaldo akiwa ndio anatoka katika lango la uwanja wa ndege wa kimataifa wa Manchester city

Michuano ya klabu bingwa barani Ulaya hatua ya Nusu fainali inaendelea tena leo ambapo Manchester City watamenyana na Real Madrid,Kikosi cha Real Madrid kimetua katika jiji la Manchester City kukabiliana na wenyeji wao Manchesetr City

katika Mechi hiyo Man City wanatakuwa na pigo kubwa la kumkosa Kiungo wao kutoka Ivory Coast, Yaya Toure.

nimekuwekea Picha za Real Madrid walipokuwa wakiwasili Manchester

Sergioa Ramos naye alipata wasaha wa kuongea na mashabiki

Ronaldo kama kawaida yake ni kipenzi cha mashabiki

Pepe akiongea na mashabiki

Gareth Bale akisalimiana na mashabiki waolifika kuwapokea

Mkurugenzi Mkuu TCRA Na Bodi Yake Watumbuliwa

Tarehe April 26, 2016

Rais, Dkt. John Pombe Magufuli.

Rais, Dkt. John Pombe Magufuli ameivunja Bodi ya Mamlaka ya Mawasiliano Tanzania (TCRA) pamoja na kumsimamisha kazi Mkurugenzi Mkuu wa Mamlaka hiyo, Dkt. Ally Yahaya Simba kutokana na kutosimamia ipasavyo Mkataba wa utekelezaji wa mfumo wa Usimamizi wa Mawasiliano ya Simu (TTMS), na hivyo kuisababishia nchi kupoteza mapato ya takriban shilingi bilioni 400 kwa mwaka.

Kwa mujibu wa Mkurugenzi wa Mawasiliano Ikulu, Gerson Msigwa, Rais Magufuli amechukua hatua hiyo leo baada ya kufanya kikao kazi kati yake na uongozi na wataalam kutoka Wizara ya Ujenzi, Mawasiliano na Uchukuzi, Wizara ya Fedha na Mipango na Taasisi ya Kuzuia na Kupambana na Rushwa (TAKUKURU).

Rais Magufuli pamoja na kuchukua hatua hizo, amemuagiza Waziri wa Ujenzi, Mawasiliano na Uchukuzi, Prof. Makame Mbarawa kumteua Kaimu Mkurugenzi Mkuu wa Mamlaka hiyo maramoja.

Aidha, Rais Magufuli amewataka Waziri wa Mawasiliano Makame Mbarawa, Katibu Mkuu na Naibu Katibu katika Wizara hiyo kuchukua hatua maramoja ili mfumo wa ukusanyaji wa mapato ya simu kwa simu za ndani (Offnet) uanze kufanya kazi nan chi iweze kupata mapato yanayostahili kukusanywa.

“Waziri hakikisha unachukua hatua maramoja, nataka tukusanye mapato yote ya Serikali yanayostahili na sitasita kuchukua hatua dhidi ya yeyote atakayekwamisha jambo hili,” amesisitiza Rais Magufuli.

Mnamo Mchi 22, 2013, TCRA iliingia mkataba na kampuni ya SGS juu ya uwekezaji, uendeshaji na uhamishaji wa mapato ya simu ambayo kampuni hiyo ilipaswa kutekeleza vipengele vitano lakini mpaka sasa kampuni ya SGS haijaanza kutekeleza kipengele kidogo kinachohusiana na udhibiti wa mapato ya simu za ndani (Offnet), hali ambayo imesababisha Serikali kukosa mapato ya kiasi hicho cha fedha kilichotajwa.

Picha : Ona Mashabiki Wa Arsenal Walivyosusia Mechi Kisa Mzee Wenger

Tarehe April 22, 2016

Picha inaonyesha mashabikiwa Arsenal wakiwa pungufu sana uwanjani

Timu ya Arsenal ilijikuta katika wakati mgumu ambapo katika uwanja wa Emirates usiku wa Alhamisi wakati Arsenal Ikicheza dhidi ya West Brom ambapo uwanja mashabiki wengi wa Arsenal hawakujitokeza uwanjani kushuhudia mchezo huo kama ilivyo kawaida yao.

 

 

Asilimia 79 Ya Simu Zinazotumiwa Na Watanzania Ni Halali

Tarehe April 22, 2016

meneja uhusiano wa TCRA, Innocent Mungi

Mamlaka ya mawasiliano Tanzania (TCRA) imesema kuwa asilimia 79 ya simu za kiganjani zilizofanyiwa utafiti kwa kipindi cha desemba hadi February mwaka huu ni halali, huku asilimia 18 zikionekana zikiwa za bandia.

Akizungumza katika semina ya mfumo wa rajisi ya  namba za utambulisho wa simu za kiganjani, meneja uhusiano wa TCRA, Innocent Mungi amesema kutokana na elimu ambayo wameitoa kwa wafanyabiashara wa simu  hizo ya kuhakiki kwanza kabla ya kuwauzia wananchi imepunguza uingizaji wa simu feki na kwamba wamebaini kuwa asilimia 79 ni salama hazina matatizo ya aina yeyote.

“Wakati tumeanza kubaini zoezi la kutambua simu feki tulibaini kuwa asilimia 30 zilikuwa bandia ila kutokana na elimu iliyotolewa hadi February simu bandia zimepungua hadi kufikia asilimia 18 hii inaonyesha kuwa simu feki zilizoko sokoni ni chache mno,” aliongeza.

Aidha, Mungi alitaja faida za kuzimiwa simu bandia kuwa ni pamoja na kuongeza usalama mtandaoni kwa watumiaji wa simu ,kupunguza wizi wa simu  na kupunguza matukio ya uhalifu ambayo yamekuwa yakitumika mara nyingi kwa njia ya simu hizo pamoja na kuzuia matumizi ya simu zisizokuwa na viwango.

Awali mkurugenzi mkuu wa mamlaka hiyo Ally Simba aliwataka wananchi kufanya zoezi la kuhakiki simu zao kwa kufuata maelekezo sahii ili waweze kubaini simu feki kabla ya kuzimiwa simu hizo juni 16 ,kwani wengi wa watumiaji wa simu hawafuati malekezo ya kutambua simu bandia.

Serikali: Rais Hawezi Kujipunguzia Mshahara

Tarehe April 22, 2016

Rais Dkt. John Pombe Magufuli.

Suala la mshahara wa Rais, limeibuka tena bungeni ambapo Bunge limeelezwa kwamba kwa mujibu wa Katiba ya Jamhuri ya Muungano wa Tanzania, Rais hawezi kujipunguzia mshahara pindi anapoapishwa kushika wadhifa huo.

Akitoa taarifa kwa Bunge, Waziri Simbachawene alisema kwa mujibu wa Katiba ya Jamhuri ya Muungano wa Tanzania ya Mwaka 1977 pamoja na marekebisho yake, Ibara ya 43, Ibara ndogo ya 3, Ukurasa wa 62 inamzuia Rais kupunguza mshahara akiwa madarakani.

Simbachawene alisema ibara hiyo inasema;  ‘Mshahara na malipo ya Rais, havitapunguzwa wakati Rais anapokuwa bado anashika madaraka yake. “Rais aliyepo sasa hawezi kujipunguzia mshahara wake yeye mwenyewe isipokuwa anapoondoka anaweza kuweka kiwango cha mshahara cha Rais ajaye.

Simbachawene alitoa maelezo yake akimjibu Mbunge wa Viti Maalumu, Upendo Peneza (Chadema) aliyemuomba Rais John Magufuli kujipunguzia mshahara na kuanza kulipa kodi.

Akiwa nyumbani kwake Chato mkoani Geita wakati alipokwenda kwa mapumziko mafupi hivi karibuni, Rais Magufuli alijitangazia mbele ya umma kiwango cha mshahara anacholipwa akisema ni Sh milioni 9.5 kwa mwezi.

Daladala Zatakiwa Kupotea Katikati Ya Jiji Ifikapo Mei 2

Tarehe April 21, 2016

Daladala zote zinazofanya safari zake katika maeneo ya katikati ya Jiji la Dar es Salaam zimetakiwa kuwa zimeondoka iikapo Mei 2, mwaka huu.

Kauli hiyo imetolewa na Msemaji wa Mradi wa Mabasi yaendayo Kasi (DART), Sabri Mabrouk ambaye amedai ya kuwa tayari wamiliki wote wa mabasi hayo wamekwishalipwa fidia ili wabadili njia zao za usafiri nje ya katikati ya Jiji.

“Wamiliki wote wa mabasi wamekwishalipwa fedha zao tangu Desemba mwaka jana na sasa hakuna yeyote anayedai hivyo wana siku saba tu kuhakikisha kuwa wamekwishaondoka katika barabara hizo kabla ya Mei 10,” amesema Mabrouk ambaye pia ni Mwenyekiti wa Chama cha Wamiliki wa Mabasi Mkoa wa Dar es Salaam (DARCOBOA).

Tayari mabasi yaendayo kasi yamekwishaanza majaribio ya kupita katika njia zake huku huduma hizo zikitarajiwa kuanza rasmi Mei 10, mwaka huu.

Matokeo Mechi Zote Za Jana Angalia Hapa,Msimamo Wa Ligi Pia

Tarehe April 18, 2016

Jamie Vardy

Jedwali la msimamo wa ligi ya EPL kufikia 18 Aprili, 2016.

Nambari	Klabu	Mechi	Mabao	Alama
1	Leicester	34	26	73
2	Tottenham	33	35	65
3	Man City	33	28	60
4	Arsenal	33	22	60
5	Man Utd	33	10	56
6	West Ham	33	12	53
7	Southampton	34	10	51
8	Liverpool	32	9	51
9	Stoke	33	-6	47
10	Chelsea	33	4	44
11	Everton	33	9	41
12	Watford	33	-5	41
13	Bournemouth	34	-16	41
14	West Brom	33	-9	40
15	Swansea	34	-11	40
16	Crystal Palace	34	-7	39
17	Norwich	34	-25	31
18	Sunderland	33	-18	30
19	Newcastle	33	-26	28
20	Aston Villa	34	-42	16

Bournemouth	1-2	Liverpool
Leicester City	2-2	West Ham United
Arsenal	1-1	Crystal Palace

Liverpool Noma Waitoa Dortmund Europa

Tarehe April 15, 2016

Timu

Jurgen Klopp akishangilia

za Liverpool, Shakhtar Donetsk na Villarreal zimetinga Nusu Fainali ya michuano ya Europa League 2016 baada ya mechi za marudiano usiku wa Alhamisi.

Liverpool imesonga mbele baada ya kuifunga 4-3 Borussia Dortmund Uwanja wa Anfiled, hivyo kufuuz kwa ushindi wa jumla wa 5-4 baada ya wiki iliyopita kutoa sare ya 1-1 Ujerumani.

Mabao ya Liverpool yamefungwa na Divock Origi dakika ya 48, Philippe Coutinho dakika ya 66, Mamadou Sakho dakika ya 77 na Dejan Lovren dakika ya 90 na ushei, wakati ya Dortmund yamefungwa na Henrikh Mkhitaryan dakika ya tano, Pierre-Emerick Aubameyang dakika ya tisa na Marco Reus dakika ya 57.

Shakhtar Donetsk imeifunga 4-0 Sporting Braga na kufuzu kwa ushindi wa jumla wa 6-1 baada ya awali kushinda 2-1 ugenini. Mabao ya Shakhtar yamefungwa na Darijo Srna kwa penalti dakika ya 25, Ricardo Jose Araujo Ferreira aliyejifunga dakika ya 42 na 73 na Viktor Kovalenko dakika ya 50 Uwanja wa Lviv.

Villarreal imeshinda 4-2 ugenini dhidi ya Sparta Prague na kufuzu kwa ushindi wa jumla wa 6-3, baada ya wiki iliyopita kushinda 2-1 nyumbani.
Sevilla imeing’pa Athletic Club ka penalti 5-4 kufuatia sare ya jumla ya 3-3, baada ya kila timu kushinda 2-1 mechi ya nyumbani.

Mradi Wa DART Sasa Kuanza Mei 10

Tarehe April 15, 2016

Waziri wa Nchi Ofisi ya Rais, TAMISEMI, George Simbachawene amesema mradi wa mabasi yaendayo kasi (DART) utaanza rasmi Mei 10, mwaka huu wakati akifanya majumuisho ya Kamati ya Kudumu ya Bunge ya Utawala na Serikali za Mitaa.

Simbachawene amesema kuwa wadau wa mradi huo wamemhakikishia kuwa mabasi hayo yataanza kutoa huduma ya usafiri ifikapo Mei 10 baada ya kukutana nao na kuzungumza kwa kirefu.

“Tumeambiwa kuwa mradi huu una mikataba mingi na kwamba bado kuna majadiliano makubwa ya mikataba hivyo hatuwezi kulazimisha maana unaweza kujikuta ukitengeneza mikataba mibaya na tunaendelea na mijadala ya mikataba hiyo ingawa uwazi ni muhimu sana,” amesema.

Naye Mwenyekiti wa Kamati ya Kudumu ya Bunge ya Utawalana Serikali za Mitaa, Jasson Rweikiza amesema kamati yake imeshatembelea mradi huo zaidi ya mara nne na kugundua tatizo linalokwamisha ni fedha na kuitaka Serikali kuhakikisha inatoa fedha ili huo uanze mara moja kama ilivyokusudiwa.

Amesema ni muhimu sana kwa mradi huo kukamilika na kuanza kutoa huduma maramoja ili kupunguza kero ya usafiri kwa wakazi wa Jiji la Dar es Salaam wanaoteseka na tatizo la usafiri na foleni za barabarani.

Kigogo Aikacha Chadema Amfuata Magufuli CCM

Tarehe April 15, 2016

Chadema

Kigogo wa Chama cha Demokrsaia  na Maendeleo (Chadema) ambaye alikuwa  Mwenyekiti wa chama mkoa wa Mwanza   Andrian Tizeba ametangaza kuhamia Chama  cha Mapinduzi (CCM).

Aidha, Bw.Adrian  leo amejiunga rasmi na CCM wilayani  Sengerema tawi la Lugata  ambapo  alitangaza kujivua uanachama wa chadema Machi 29 mwaka huu baada ya kusimamishwa uongozi kwa muda wa mwaka mmoja, na kutangaza kuachana na siasa, amekabidhiwa kadi hiyo  na katibu wa tawi hilo Alfred Mwambala.

Kwa upande wake Tizeba amesema uamuzi wake si wa kulazimishwa na mtu bali, ameona ni vema arudi kwenye chama chake cha awali   kutokana na kuridhishwa na  utendaji wa Rais Dkt.  John Magufuli.

Kampuni Ya Infosys Yaikana Vikali Lugumi Enterprises

Tarehe April 15, 2016

Kampuni ya Infosys  IPS (T) Ltd, imejitokeza na kukanusha vikali taarifa zinazoendelea katika mitandao ya kijamii zikiihusisha kampuni hiyo na kampuni ya Lugumi Enterprises inayokabiliwa na tuhuma za ubadhirifu na mkataba mbovu baina yake na Jeshi la Polisi.

Naibu Meneja Mkuu wa Infosys, Sweki Donald amesema kuwa kampuni hiyo haijawahi kufanya biashara yoyote na kampuni tajwa ya Lugumi Enterprises na kusisitiza kuwa kampuni hizo mbili hazina mahusiano yoyote yale ya kibiashara.

Tangu kuibuke kwa kashfa ya mkataba tata kati ya Lugumi Enterprises na Jeshi la Polisi juu ya ufungwaji wa mashine za kutambua alama za vidole katika vituo vya polisi nchi nzima, kumekuwa na habari zinazosambaa kuwa kampuni ya Infosys ilipokea mabilioni ya shilingi kutoka kampuni ya Lugumi, jambo ambalo wanadai kuwa halina ukweli wowote na kutoa rai kwa umma kupuuza taarifa hizo za upotoshaji.

Katika mkataba huo wa mwaka 2011, Kampuni ya Lugumi Enterprises ilipewa tenda ya kufunga mashine za kuchukua alama za vidole katika vituo vya polisi 108 nchini kwa gharama ya Sh bilioni 37.

Tayari kampuni hiyo imekwishalipwa Shilingi bilioni 34 sawa na asilimia 99 ya fedha zote, huku ikiwa imefunga mashine katika vituo 14 tu katika jiji la Dar es Salaam ambavyo pia havijulikani vipo maeneo gani.

 Picha Azam Fc Wakijifua Jioni Ya Leo

Tarehe April 11, 2016

Mwantika akipiga mbizi ilikuweka mwili safi

Baadhi ya wachezaji wa Azam FC walivyofanya mazoezi binafsi mara baada ya mazoezi ya jioni ya leo, mabeki David Mwantika na Gadiel Michael walikuwa wakifanya mazoezi ya kutafuta pumzi ndani ya bwawa la kuogelea kwa kuzama chini na kupiga mbizi kinyumenyume na kwa kwenda mbele.

Winga Khamis Mcha yeye alitumia muda wake binafsi kufanya mazoezi ya ‘gym’, yote hayo ni katika kujiweka fiti zaidi kimwili.