Polisi afa kishujaa Dodoma

Marehemu Joseph Swai enzi za uhai wake

Polisi aliyetambulika kwa jina la Joseph Swai, amekufa kishujaa wakati akijaribu kuokoa maisha ya mtoto wa miezi nane aliyekuwa akitaka kufanyika vitendo vya ukatili na baba yake mzazi.
Kwa mujibu wa taarifa inasemekana kuwa mtendaji wa mtaa cha Chang’ombe juu mjini Dodoma, alipokea taarifa kutoka kwa Oliver Baltazari kuwa kijana wake Tisi Malya, anamtesa mtoto wake mdogo aitwaye Valerian Malya.
Baada ya taarifa hiyo ya mtendaji wa mtaa, waliongozana na askari ambaye ni marehemu hadi kwa Tisi Malya, baada ya kujitambulisha askari huyo Tisi, alimnyanyua mtoto kichwa chini miguu juu na kutaka kumkata na panga.
Askari huyo wakati anataka kumuokoa mtoto kwa bahati mbaya aliteleza na kutakwa na panga kichwani na mtuhumiwa aliendelea kumkatakata hali iliyopelekea mtendaji na kijana aliyekuwa naye kukimbia huku wakipiga kelele kuomba msaada.
Baada ya tukio hilo mtuhumuwa alikimbia kuelekea sehemu ambayo haujulikani ambapo polisi wamekiri kutokea kwa tukio hilo na wanaendelea na msako.