Tarehe September 12, 2016
Christiano Ronaldo.
Mnyama anayekipiga katika Klabu ya Real Madrid, Christiano Ronaldo amesema mwaka huu ni mwaka wao wa kuondoka na kombe la ligi na kuvunja ukame wa muda mrefu wa kikombe hicho.
Ronaldo ameyasema hayo baada ya kurejea kwa kishindo na kuanza ligi vyema kwa kuisaidia timu yake kupata ushindi wa magoli 52 huku akitupia moja.
Mara ya mwisho Madrid ameshind kikombe cha nyumbani (ligi) ilikuwa katika msimu wa mwaka 2011/12 ambapo mara zote wamekuwa wakimaliza wa pili nyuma ya mahasimu wao wakubwa.
Hatahivyo, tayari wameanza msimu huu wa 2016/17 vizuri huku wakiwa wamewapiku mahasimu wao wawili Barcelona na Atletico Madrid.
“Ninataka kushinda vikombe vyote vitakavyowezekana na zaidi nataka kushinda kombe la ligi (La Liga),” amesema Ronaldo.
“Ni kombe ambalo timu nzima inalitafuta na timu ipo fiti kwani tumeanza vizuri na ninatumaini tutaendelea kufanya vyema,” ameongeza Straika huyo wa Madrid na Timu ya Taifa ya Portugal.
Amesema ni michuano mirefu sana lakini ana uhakika mwaka huu ni wao na lazima waondoke na ndoo ya ligi.
