Tundu Lissu,Gwajima wafunguka kuhusu Dr. Slaa
Mwanasheria mkuu wa Chadema Tundu Lissu.
Kwa mujibu wa Tundu Lissu kupitia moja ya Redio nchini alipinga maelezo yaliyotolewa na Dk. Slaa na kudai kuwa yeye ndiye wa kwanza kutoa wazo la kumkaribisha Lowassa kwenye chama hicho.
“Kamati kuu ilimpitisha mwezi January ikathibitisha tena mwezi April, ilipofika mwezi wa Tano ni Dk Slaa ndiye aliyeanzisha tena mazungumzo ya kumleta Lowassa ndani ya Chadema,” alisema.
“Yeye anasema Gwajima alikuwa mshenga, hajasema mposaji ni nani, nani aliyemuendelea Gwajima kumwambia kwamba tunamtaka Lowassa, sio mwingine ni huyo Dk. Slaa,” alisisitiza.
Lissu amedai kuwa chanzo cha Dk. Slaa kugeuka mpango aliokuwa akiusuka yeye ni mtazamo tofauti alioupata kwa mkewe Josephine ambaye alizua ugomvi mkubwa.
Kilichoharibika ni first lady, mama alikataa,” alisema na kufafanua kuwa siku ambayo Kamati Kuu ya Chadema ilimpokea Edward Lowassa katika chama hicho mkewe Josephine alimtupia mabegi nje na kusababisha alale ndani ya gari.
Kwa upande wa Askofu Josephat Gwajima amejibu tuhuma zilizoelekezwa kwake na aliyekuwa Katibu Mkuu wa Chadema, Dk. Wilbroad Slaa kuwa alishiriki kama ‘mshenga’ kumshawishi Edward Lowassa kuhamia Chadema
Katika maelezo yake Dk. Slaa alimtaja Askofu Gwajima kama mshenga na ndiye alimshawishi ampokee Lowassa huku akidai kuwa askofu huyo alimtamkia kuwa maaskofu 30 walihongwa na Lowassa.
Aidha, Askofu Gwajima amesema Dk. Slaa ni muongo mkubwa akidai kuwa ameamua kuwashambulia maaskofu hao kwa kuwa anafahamu hawana majukwaa ya kumjibu kama ilivyo kwa wanasiasa.
Gwajima alidai kuwa yeye aliitwa kama msuluhishi ndani ya Chadema na sio mshenga wa kumleta Edward Lowassa.
Katika hatua nyingine Gwajima ameliambia moja ya gezeti kubwa hapa nchini Dk. Slaa ametumwa na watu anaowafanyia kazi.