LHRC yalaani Prof. Lipumba kudhalilishwa

Prof.Lipumba akiwa katika gari la Polisi mara baada ya kukamatwa juzi jijini Dar es salaam.

Kituo cha sheria na haki za binadamu nchini Tanzania (LHRC) kimelaani kitendo cha jeshi la polisi kumpiga na kumdhalilisha mwenyekiti wa chama cha wananchi CUF Prof Ibrahim Lipumba.
Akitoa tamko hilo lililokuwa katika sehemu ya maazimio katika kongamano la kujadili mapungufu ya katiba pendekezwa kwa wahaririri wa vyombo vya habari, asasi za kiraia na wanazuoni mkurugenzi wa kituo cha sheria na haki za binadamu Bi. Hellen Kijo Bisimba amesema kitendo hicho hakivumiliki na kina lengo la kudhoofisha demokrasia na uhuru wa kikatiba katika kufanya maandamano.
Ameongeza kuwa  jeshi la polisi linatakakiwa kijitazama upya katika kutekeleza wajibu wao wa kulinda raia na mali zao vinginevyo  wanaendelea  kujenga chuki baina yao na wananchi kwa hila za kisiasa badala ya kuwa kimbilio la raia.
Katika hatua nyingine  katika mada iliyowasilishwa na aliyekuwa mjumbe wa bunge la katiba Bw. Hafley Polepole pamoja na kueleza katiba pendekezwa kuwa na mapungufu mengi ya kiuandishi na kisanifu amesema ni aibu kwa Tanzania yenye wasomi kuandika katiba kama hiyo huku akieleza sheria ya mabadiliko ya katiba kuwa nje ya muda wa kura ya maoni.

Chikawe: CUF walikaidi amri ndio maana walipigwa.

Waziri wa Mambo ya Ndani Mathias Chikawe.

Waziri wa Mambo ya Ndani Mathias Chikawe amesema Chama cha CUF kilitimiza masharti yote lakini polisi ina haki ya kuzuia endapo itajiridhisha kuwa kuna uvunjifu wa amani.
Akifafanua Bungeni kuhusu wanachama wa  CUF kupigwa na Polisi,  Chikawe amesema CUF wakiongozwa na kiongozi wao walikaidi amri ya polisi, na ndiyo maana walipigwa. Katika tukio hilo lilitokea juzi    wanachama  wa  CUF walizuiwa kwa kipigo  wakati  wa maandamano  yalioyoongozwa  na  Mwenyekiti  wa  chama  hicho, Profesa  Ibrahim  Lipumba kuelekea Mabagala jijini Dares salaam
Kwa upande mwingine Waziri Chikawe   ameongeza kuwa CUF inatafuta umaarufu wa kisiasa na kusisitiza kuwa   Jeshi la polisi halitamuogopa,  kumhofia mtu,  na  amewaagiza polisi nchini kote kufanya kazi yao bila hofu wala kumuogopa mtu.

Rais Salva Kiir augua ghafla, mkutano wasimama

Rais Salva Kiir.

Mkutano wa viongozi wa kikanda ulioandaliwa kujadili mgogoro wa mwaka mmoja unaondelea nchini Sudan Kusini, umecheleweshwa baada ya Rais Salva Kiir kuugua na kukimbizwa hospitalini mjini Addis Ababa, Ethiopia.
Afisa mmoja wa shirika la IGAD, ambalo linafanya juhudi za kuwakutanisha viongozi wa Sudan Kusini kwa lengo la kumaliza vita, amesema kwamba Rais Kiir, alianza kuvuja damu kutoka puani
Kabla ya kuugua, hapo jana Kiir alifanya mazungumzo na kiongozi wa waasi Riek Machar ambapo alimtaka kupuuzilia mbali maswala yanayochochea mgogoro huo ili kumaliza mgogoro huo ambao umedumu mwaka mmmoja
Viongozi wa kikanda, wanakutana baadaye leo, kushinikiza pande zote kufikia makubaliano ili kumaliza vita. Swala kuu kwenye ajenda, ni kusuluhisha maswala yanayoleta kizungumkuti kuhusu serikali ya muungano kama moja ya suluhu la kupatikana amani.
Pande zote zinazozozana zimekosa kufikia makubaliano kuhusu wadhifa wa waziri mkuu na ikiwa anapaswa kuwa na mamlaka makuu au la.
Maelfu ya watu wamefariki na wengine zaidi ya milioni moja kuachwa bila makao tangu vita vya wenyewe kwa wenyewe kuzuka nchini humo Disemba mwaka 2013.

Islamic State waishambulia Misri, watu 26 wauawa Majeshi ya serikali ya Misri

Islamic State waishambulia Misri, watu 26 wauawa

Majeshi ya serikali ya Misri

Takriban watu 26 wameuawa katika mfululizo wa mashambulizi yaliyofanywa na kundi la wapiganaji la Islamic State Kaskazini mwa Misri katika eneo Sinai
Gari lililokuwa na mabomu lilipiga kituo cha kijeshi kaskazini mwa Sinai katika mji wa El-Arish na kuwaua wanajeshi kadhaa. Mashambulizi mengine kama hayo yalifanyika katika mji jirani Sheik Zuwayid na mji wa Rafah katika mpaka wa Gaza.
Kundi la wapiganaji la Ansar Beit al-Maqdis ambalo ni mshirika wa wapiganaji wa Islamic State wamekiri kutekeleza shambulio hilo.
Maafisa wa jeshi nchini Misri wanasema gari hilo lililokuwa na mabomu liliegeshwa nje ya ngome ya jeshi ya El-Arish na mashambulizi yake yalilenga hoteli ya jeshi na maeneo mengine mhimu katika kituo hicho.
Hata hivyo kundi hilo lilianza kutekeleza mashambulizi yake nchini Misri tangu kuangushwa kwa utawala wa Rais aliyekuwa na msimamo mkali wa Kiislam Mohammed Morsi mwaka 2013.
Hofu imetawala katika miji kadhaa nchini Misri wiki hii kutokana na sherehe za kumbukumbu za kuangushwa kwa utawala wa aliyekuwa Rais wa Taifa hilo na aliyeondolewa madarakani mwaka 2011 Hosni Mubarak.
Eneo la Kaskazini mwa mji wa Sinai kumekuwa na hofu ya mashambulizi ya kigaidi tangu mwezi Oktobar mwakajana ambapo wanajeshi kladhaa waliuawa katika shambulio.
Kundi hili la Ansar Beit al-Maqdis ambalo kuanzishwa kwake ilikuwa ni hamasa ya kundi la kigaidi la Al Qaeda, liliamua kubadili mtazamo wake na kuanza kutekeleza na kutii amri za kundi la wapiganaji wa Islamic state lililoshamiri Iraq na Syria, na malengo ya kundi hili ni kuhamasisha watu kuasi na kuuangusha utawala wa sasa wa Rais Misri Abdul Fattah al-Sisi.

Wanachama 30 wa CUF matatani kwa kufanya maandamano

Wanachama 30 matatani kwa kufanya maandamano jijini Dar es salaam.

Wanachama 30 wa chama cha wananchi (CUF) pamoja na  naibu mkurugenzi wa oganaizesheni, uchaguzi na bunge Shaweji Mketo na mkurugenzi wa mawasiliano Abdul Kambaya wamefikishwa kortini kwa tuhuma za mashtaka matatu likiwemo la kufanya mkusanyiko usio halali.
Kwa  mujibu wa wakili wa serikali Joseph Maugo amedai mbele ya hakimu Emilius Mchauro wa mahakama ya hakimu mkazi kisutu, jijini Dar es Salaam kuwa washtakiwa wanatuhumiwa kwa mashtaka matatu ambapo shitaka la kwanza linawakabili washtakiwa wote ambao wanatuhumiwa kula njama ya kufanya uhalifu. Shtaka la pili linawakabili washitakiwa 28 ambao wanatuhumiwa kufanya mkusanyiko usio halali.
Imedaiwa kuwa walifanya mkusanyiko huo januari 27 mwaka huu, wakiwa katika ofisi ya CUF iliyopo karibu na hospitali ya Temeke bila uhalali wowote walifanya mkusanyiko wa nia ya kufanya maandamano kuelekea viwanja vya Zakhiem, Mbagala, Dar es Salaam.
Mchauro amesema ili washtakiwa waweze kutoka kwa dhamana wanatakiwa wasaini dhamana ya sh. 100,000 na mdhamini mmoja wa kuaminika, lakini washtakiwa walishindwa kutimiza masharti ya dhamana na kurudishwa rumande.
Washtakiwa hao watarudishwa mahakamani januari 30 ili kuangalia kama wametimiza masharti ya dhamana, baada ya barua za wadhamini kwenda kuhakikiwa na upande wa mashtaka.

PLOTS FOR SALE , YARD WANTED AND APARTMENT FOR RENT

.YARD WANTED: A client has filed an order to us recently, want a yard with 4000 sqm, it must be located at Mikocheni, Kijitonyama, Victoria or Sisnza only. wanted immediately, only owners we speak to..( CONTACTS:0652314181, EMAIL:aramakurias@yahoo.com, rocklandrealestate1@gmail.com).

PLOT FOR SALE:  10 plots for sale, SIZE is 450 sqm per each, LOCATED at Mbezi Makabe, PRICE is  TSH. 15,000,000  per each ( negotiable ), NO TITTLE..( CONTACTS:0652314181, EMAIL:aramakurias@yahoo.com, rocklandrealestate1@gmail.com).

PLOT FOR SALE: A plot with two bed rooms house is there for sale, SIZE is 360 sqm, LOCATED  along Mbezi - Segerea new road ( Tarmac road ), PRICE is TSH. 8 mil, NO TITTLE, clean plot..( CONTACTS:0652314181, EMAIL:aramakurias@yahoo.com, rocklandrealestate1@gmail.com).

APARTMENT FOR RENT: 4 bed rooms are avairable for rent, LOCATED at Upanga, PRICE is USD 2000 per month..( CONTACTS:0652314181, EMAIL:aramakurias@yahoo.com, rocklandrealestate1@gmail.com).

PLOT FOR SALE: LOCATED at  Salasala, SIZE is 624 sqm, it is along the load a quater kilometer from Mtenga, PRIZE is TSH. 40 mil.( CONTACTS:0652314181, EMAIL:aramakurias@yahoo.com, rocklandrealestate1@gmail.com).

Ronaldo afungiwa mechi mbili

Mshambuliaji wa Real Madrid Cristiano Ronaldo amefungiwa mechi mbili baada ya kupatikana na kosa la kumpiga mchezaji wa Cordoba kwenye mchezo wa ligi kuu nchini Hispania.Kwenye mchezo huo ambao Real Madrid ilishinda kwa magoli 2-1.

Simba wavutwa sharubu wapigwa 2-1 na Mbeya City

Wachezaji wa Mbeya City wakishangilia mara baada ya pambano kumalizika

Goli lililofungwa na mchezaji Ibrahim Ajib kwenye dakika ya 24 kwenye mchezo wa kiporo wa ligi kuu Tanzania bara kati ya Simba na Mbeya City uliochezwa kwenye uwanja wa Taifa jijini Dar es Salaam. Bao hilo lilisaidia Simba kuongoza kwenye kipindi cha kwanza chote kabla ya Mbeya City kurudisha bao hilo kwenye dakika ya 77 na kuongeza la pili kwa njia ya penati kwenye dakika za lala salama,mpaka mwisho wa mchezo Mbeya City 2-1.

Mashabiki wa Mbeya City wakiishangilia timu yao

Wachezaji wa Simba wakishangilia goli kwenye dakika ya 24

Luis Figo atangaza kugombea Urais FIFA

Nahodha wa zamani wa Ureno Luis Figo

Mchezaji wa zamani wa vilabu vya Sporting Lisbon, Barcelona, Real Madrid na Inter Milan Luis Figo ametangaza kugombea Urais wa FIFA huku akitarajia kumpa changamoubwa Rais wa sasa Sepp Blatter. Figo ametangaza uamuzi wake leo na kuandika kwenye mtandao wake wa Twitter ili kudhibitisha suala hilo.Moja ya jambo lililomsukuma zaidi Figo mpaka kujiingiza kwenye kinyang’anyiro hicho kikubwa kwenye soka Duniani.
Kwenye nafasi hiyo ambayo mpaka sasa wamejitokeza watu kadhaa ambao ni Prince Ali wa Jordan, Michael van Praag na Jerome Champagne.

Ghana na Algeria zafuzu kwa kishindo kundi la kifo

Ghana imeonyesha maajabu baada ya kutoka nyuma kwa goli 1-0 mpaka kipindi cha kwanza kinaisha na kugeuza matokea mpaka ushindi wa 2-1 mbele ya Afrika Kusini.Kwenye mchezo huo uliochezwa kwenye uwanja wa Mongomo ulianza kwa kasi sana, Mshambuliaji Mandla Masango alifunga goli kwa shuti la mbali na kumfanya kipa wa Ghana kukosa la kufanya.Ghana walisawazisha magoli mawili kwenye kipindi cha pili baada ya Kocha Avram Grant kufanya mabadiliko, magoli ya Ghana yalifungwa na John Boye(73′) na Andre Ayew (83′).

Kwenye mchezo mwingine uliochezwa kwenye uwanja wa Malabo, Algeria wameshinda kwa magoli 2-0 yaliyofungwa na Riyad Mahrez(11′) na Nabil Bentaleb (82′)

Wahudumu Mochwari wasusia kuzika maiti kisa kutolipwa Mishahara

Wahudumu wa mochwari kisa kutolipwa mishahara yao.

Wahudumu wa Mochwari katika Hospitali ya Wilaya ya Bariadi mkoani Simiyu wamegoma kuzika miili ya watu iliyoharibika kufuatia hospitali hiyo kushindwa kuwalipa mishahara yao.
Aidha, wahudumu hao  ambao  ni  tisa   walisema jana  kuwa  tangu mwezi   juni mwaka jana hadi sasa hawajalipwa mishahara yao licha ya kufikisha madai yao katika uongozi wa hospitali hiyo na halmashauri ya wilaya ya Bariadi.
Wahudumu   hao Walisema  katika  madai  yao, wanaidai hospitali hiyo zaidi ya Sh milioni 2 huku wakibainisha kuwa kila mmoja anadai Sh 260,000 kwa ajili ya malipo ya kazi wanayofanya ya maziko.
Kwa upnde wa  Mganga mfawidhi wa hospitali hiyo, Dk. Godfrey Mpangala, alikiri kuwapo kwa madai ya wahudumu hao na mgomo huo  na  kubainisha kuwa tatizo lilitokana na Serikali kutopeleka fedha  za  matumizi  mengine  suala  lililopelekea    kushindwa  kuwalipa  wahudumu hao.

Ulaya wazidi kuiandama Urusi

Rais wa Urusi, Vladmir Putin

Mawaziri wa mambo ya nje kutoka Ulaya watakutana mjini Brussels kujadili vikwazo zaidi dhidi ya Urusi kufuatia mashambulizi ya Mashariki mwa Ukraine.

Mkutano huu wa dharula umeitishwa baada ya raia 30 kuuawa kwa makombora, mauaji yaliyotekelezwa na Waasi wanaodaiwa waliungwa mkono na Urusi na kushambulia bandari ya Mariupol wikendi iliyopita.
Majeshi ya NATO yamesema mamia ya vifaru vya Urusi, Magari ya Silaha yalikua Mashariki mwa Ukraine, ingawa Urusi imekana kujihusisha moja kwa moja na mashambulizi hayo.

Netanyahu ang’aka kisa kushambuliwa majeshi ya Israel

Benjamini Netanyahu Waziri Mkuu wa Israel.

Waziri Mkuu wa Israel Benjamini Netanyahu  amesema  wote  waliohusika na mashambulizi dhidi ya msafara wa majeshi ya Israel watalipa gharama ya waliyoyafanya.
Israel imesema wanajeshi wake wawili waliuawa na wengine saba kujeruhiwa katika shambulio lililotekelezwa na Hezbollah katika mpaka kati Lebanon na Israel. Mara tu baada ya shambulio lililosababisha wanajeshi hao wawili kuuawa,Israel ilijibu mapigo kwa kufyatua makombora kwenda Lebanon.
Nayo majeshi ya Kulinda amani ya Umoja wa mataifa nchini Lebanon limesema mwanajeshi wao mmoja aliuawa.
Akitoa onyo dhidi ya walihusika na shambulizi hilo Netanyau amesema wote waliohusika lazima wawajibike. Kwa nyakati fulani Iran kupitia Hezbollah imekuwa ikijaribu kuanzisha mashambulizi ya kigaidi dhidi yetu kutoka katika milima ya Golan.
“ Serikali ya Lebanon na utawala wa Rais wa Syria Rais Bashar una utahusika na matokeo yoyote kutokana na mashambulizi yanayoanzisa kutoka kwenye mipaka ya nchi yake dhidi ya taifa la Israel. Kwa matukio yote haya mpango wetu ni kulilinda taifa la Israel. Tunachozingatia ni usalama wa taifa la Israel na watu wake. Ndio maana tutachukua hatua na tataendelea kuchukua hatua.”Amesema Netanyahu.
Nayo Hezbollaha kwa upande wake imekiri kufanya shambulio hilo kwenye msafara wa majeshi ya Israel kwenye mpaka kati ya Lebanona Israel. Hezbollah imesema shambulio hilo ni majibu ya mashambulizi ya angani yaliyofanywa na Israel siku kumi zilizopita ambayo yaliua Jenerali wa Iran na wapiganaji sita wa Hezbollah katika mji wa Queneitra nchini Syria.

BUNGENI: Zitto atoa sababu ya kukacha kuwasilisha taarifa ya PAC

Mbunge wa Kigoma Kaskazini Zitto Kabwe.

Ujumbe wa Zitto Kabwe kupitia ukurasa wake wa facebook.

Mbunge wa Kigoma Kaskazini Zitto Kabwe leo hakuweza kuwasilisha taarifa ya kamati ya PAC Bungeni kama ambavyo ratiba ya Bunge ilivyopangwa.
Aidha, Zitto Kabwe katika ukurasa wa facebook  ameeleza sababu ya kutokwenda kusoma ripoti ya PAC leo.Sababu kubwa amesema  ni hawezi kuona uvunjifu mkubwa wa haki za binadamu akaendelea na mambo mengine kama hakuna kilichotokea.
Amesisitiza kuwa kitendo cha Polisi kutumia nguvu kupiga raia hovyo na kumdhalilisha Prof.Lipumba ni kitendo cha kulaaniwa  kwa nguvu zote.

Wasamaria wema wafanya wizi Olympia Club

Katika hali isiyo ya kiungwana mashuhuda wa moto uliotokea katika club ya Olympia, maeneo ya Sinza Mori, Jijini Dar es Salaam, wamefanya wizi wa mali ambazo zilifanikiwa kuokolewa.
Kwa mujibu wa mashuhuda wamesema moto huo ulianza majira ya saa 11 alfajiri ambao wamesema yawezekana moto huo ulitokana na shoti ya umeme.
Mmiliki wa club hiyo, Samwel Mwaisonga, amesema kuwa amepata hasara kubwa kutokana na kuibiwa mali ambazo ziliokolewa na wasamaria wema.

Mgomo waendelea Kariakoo, Wananchi wakosa huduma

Maduka yakiwa yamefungwa Kariakoo jijini Dares salaam leo

Idadi ya watu yapungua Kariakoo kufuatia mgomo wa wafanyabiashara.

Asilimia kubwa ya maduka yamefungwa kutokana na mgomo wa Wafanya biashara.

Wananchi wakosa Huduma katika maduka ya Kariakoo kutokana na mgomo unaoendelea.

Asilimia kubwa ya maduka yamefungwa leo kutokana na mgomo.

Wafanyabiashara katika maduka ya Kariakoo jijini Dar es salaam wameendeleza mgomo  huku  asilimia kubwa  ya Maduka yakiwa  yamefungwa.
Wakizungumza na mwandishi wa habari wa Mtandao wa Hivisasa  baadhi ya  wafanyabiashara hao wamedai kwamba wataendelea na mgomo hadi pale kiongozi wa wafanyabiashara hao atakapo achiwa  baada ya kukamatwa na jeshi la polisi jana.
Kwa mujibu  wa  Kaimu kamanda wa polisi kanda maalum ya Dar es Salaam, Naibu Kamishna wa Polisi, (DCP), Simon Siro aliwaambia kuwa kiongozi wao alikamatwa na polisi mapema jana asubuhi na kusafirishwa kwenda Dodoma, ambako anadaiwa kutenda kosa la uchochezi.
Katika hatua nyingine wananchi  pamoja na wateja kutoka nje ya nchi wameiomba serikali kukaa na wafanyabiashara hao  ili kutatua mgogoro huo unaowasababishia kuingia gaharama wasizo zitarajia pamoja na nchi kukosa mapato.

Majambazi wapiga na kupora bunduki na risasi polisi

Ikiwa ni wiki moja Tangu polisi kuporwa bunduki na kuuwawa huko Ikwiriri, janga hili limeendelea tena pale watu wanaosadikiwa ni majambazi kuwapiga na kuwapora bunduki na risasi askari huko jijini Tanga. Kwenye tukio hilo lililotokea barabara ya tano huko Tanga baada ya Askari waliokuwa wakitoka kula chipsi kuvamiwa na majambazi na kupata kichapo kikali kabla ya kuamuliwa kuachia Bunduki.
Kamanda wa Polisi mkoa wa Tanga Juma Ndaki amesema katika tukio hilo ambalo askari PC Masoul alichomwa kisu na akapelekwa haraka kwenye hospitali ya mkoa wa Tanga. Pia amesema upelelezi unaendelea ili kubaini watu waliofanya tukio hilo ila mpaka sasa ajapatikana mtu yoyote anaehusika na uporaji huo.

Prof. Lipumba alivuruga Bunge, vikao vyaahirishwa

Prof Ibrahim Lipumba, Mwenyekiti wa CUF akisubiri hakimu katika Mahakama ya Kisutu Jijini Dar es Salaam siku ya Jumatatu tarehe 28 Januari 2015

Kikao cha Bunge la Tanzania leo kimevurugika kutokana na vurugu za baadhi ya wabunge waliokuwa wakibishana kuhusu suala la kiongozi wa chama cha upinzani cha CUF, Profesa Ibrahim Lipumba kushambuliwa na polisi Jumanne kwa madai kuwa alihusika katika maandamano kinyume cha sheria.
Aidha, hoja iliamshwa na mbunge ambaye pia ni kiongozi wa upinzani aliyetaka suala hilo lijadiliwe kwa dharura. Hayo yametokea huku Profesa Lipumba akifikishwa mahakamani kusomewa mashtaka ya jinai.
Chanzo cha kikao hicho  kuvurugika  ni pale aliposimama James Mbatia mbunge wa kuteuliwa kutaka suala la polisi kumshambulia na kumdhalilisha Profesa Ibrahim Lipumba, kiongozi wa chama cha CUF lijadiliwe kwa dharura bungeni humo.
Licha ya jitahada za Spika Makinda kueleza kuwa suala hilo litajadiliwa kesho, kwa kuwa serikali inahitaji muda wa kuwasilisha majibu, mambo yakavurugika.
Huku wabunge wakiwa wamesimama wima wakishinikiza hoja hiyo ijadiliwe, Spika Makinda aliendelea na msimamo wake wa kutaka hoja ijadiliwe Alhamisi baada ya serikali kuwasilisha majibu, hapo ndipo mkorogano ulipozidi na kuleta kutoelewana kati ya wabunge wa upinzani na Spika.
Spika Makinda alilazimika kuahirisha kikao hicho mpaka jioni baada ya hali kuwa ngumu, na hata jioni likaahirishwa tena mpaka kesho, Alhamisi.
Kiongozi huyo wa upinzani inadaiwa alifika eneo ambako maandamano yaliyopangwa kufanyika Jumanne yalikuwa yamepigwa marufuku, ingawa uongozi wa chama cha CUF unadai Profesa Lipumba alikusudia kuwashawishi wafuasi wake watawanyike kutii amri ya polisi ndipo akashambuliwa.
Wakati huo huo Profesa Lipumba amefikishwa mahakamani mjini Dar Es Salaam ambako amesomewa mashtaka ya kufanya maandamano bila kuwa na kibali.
Katika hatua nyingine  Profesa Lipumba alikimbizwa hospitalini baada ya afya yake kudhoofika, ikidaiwa ni sababu ya ghasia aliyoipata  jana kutoka jeshi la Polisi.
Hata hivyo alirejeshwa mahakamani baada ya kupata nafuu, na kesi yake imeahirishwa na itatajwa tena mahakamani tarehe 26 Februari 2015. Ameachiwa kwa dhamana ya watu wawili kwa kiasi cha shilingi milioni mbili kila mmoja.

Majanga yaikumba Tunduru, Mvua yaezua nyumba 51

Zaidi ya nyumba zakosa makazi wilayani Tunduru.

Wilayani Tunduru  mkoani  Ruvuma, hali sio shwari   katika kijiji cha Sisi kwa Sisi tarafa ya Mlingotini  kufuatia  mvua kuezua nyumba 51 za makazi ya wananchi. Mvua hiyo  iliyoambatana na upepo mkali imeharibu zaidi ya nyumba 51, wananchi wa kaya zaidi ya 25 wakikosa kabisa sehemu ya  kuishi.
Akizungumzia tukio hilo  mkuu wa wilaya ya Tunduru Chande  Nalicho amesema tukio hilo la mvua kubwa kunyesha ikiambatana na upepo mkali limetokea Januari 27 mwaka huu majira ya kuanzia saa nane mpaka saa kumi mchana.
Ameongeza kuwa baraza la ulinzi na usalama la wilaya hiyo limejielekeza kwenye kijiji hicho kwa ajili ya kwenda kujionea hali halisi ilivyo ambayo ameielezea kuwa ni mbaya kwa sababu mbali ya nyumba hizo kuezuliwa, zilizo nyingi zimedondoka kwa sababu ya upepo mkali ulioambatana na mvua hiyo.
Kati ya nyumba hizo 51 zipo nyumba zilizokuwa zimeezekwa bati ikiwemo ofisi ya kijiji pamoja na ghala la mazao ya chakula huku nyumba mbili zilizoezekwa kwa nyasi nazo zimeezuliwa na kudondoka.
Katika hatua nyingine  amewaomba wananchi kuzisaidia kaya zilizoathiriwa huku serikali  ikiendelea kuangalia namna ya kuwasaidia wananchi hao. Hata hivyo amesema kuwa  hadi sasa  hasara iliyopatikana bado haijafahamika.

HOUSES FOR SALE

HOUSES FOR SALE: 2modern houses are set for sale, located at Kinyelezi Madiba street neer Kinyelezi primary school. One is finished and the other is unfinished, has a blocked fence, sliding gate with a huge compound, SIZE is 731 sqm and its PRICE is TSH. 130 mil..( CONTACTS:0652314181, EMAIL:aramakurias@yahoo.com, rocklandrealestate1@gmail.com).

 HOUSE FOR SALE: A modern house for sale, located at Kawe,has a tittle deed, SIZE is 600 sqm and its PRICE is TSH. 80 mil..( CONTACTS:0652314181, EMAIL:aramakurias@yahoo.com, rocklandrealestate1@gmail.com).

HOUSE FOR SALE: Located at Ubungo, it has two houses one semifinished. PRICE is TSH. 60 mil negotiable. .( CONTACTS:0652314181, EMAIL:aramakurias@yahoo.com, rocklandrealestate1@gmail.com).

Ongwen ‘akiri ‘ kuwa mwanajeshi wa LRA Mahakama ya ICC

Kiongozi mmoja wa kundi la waasi nchini Uganda, Dominic Ongwen.

Mahakama yA ICC.

Kiongozi mmoja wa kundi la waasi nchini Uganda, Dominic Ongwen, amekuwa mwanachama wa kwanza wa kundi la Lord’s Resistance Army LRA, kufika mbele ya mahakama ya kimataifa ya ICC.
Wakati wa kusikizwa kwa kesi yake huko The Hague leo , Bwana Ongwen amethibitisha kuwa ndiye yeye  huku akijieleza kuwa ni mwanajeshi wa zamani wa kundi la LRA.
Kiongozi huyo  anakabiliwa  na  makosa  ya uhalifu  dhidi  ya  binadamu na makosa mengine ya kivita, ikiwemo mauaji  pamoja  na utumwa.
Awali mwezi huu alikuwa amezuiliwa nchini  Afrika  ya  kati, miaka  kumi  tangu  ICC  ilipotoa ilani ya kumkamata.

 

Serikali yaanza ujenzi wa barabara za kupunguza foleni Dar

Waziri wa Ujenzi Dkt Magufuli na viongozi wengine wa Dar es Salaam wakiweom Mkuu wa Mkoa wa Dar es Salaam Bw Mecky Sadick na wabunge wa Mkoa huo katika uzinduzi wa miradi ya barabara Dar es Salaam siku ya tarehe 26 Jan 2015

WIZARA ya Ujenzi imezindua miradi ya ujenzi wa barabara za kupunguza msongamano wa magari jijini Dar es Salaam zitakazogharimu sh.Trilioni moja.

Miradi hiyo ilizinduliwa leo na Waziri wa Ujenzi John Magufuli na kueleza kuwa kukamilika kwa miradi hiyo ambayo jumala yake ni kilometa 55.2 baada ya miaka mitatu suala la msongamano wa magari jijini itakuwa historia.

Barabara zilizozinduliwa ni ile ya Msewe –Baruti hadi Chuo kikuu cha Dares Salaam yenye urefu wa Km 2.6,Kigogo-Tabata km 1.6,Mbezi Mwisho Goba hadi Tangibovu km 9.,External Kilungule km 3,Wazo mapaka Goba km 20 na mbezi mwisho mpaka kinyerezi km 14.

Katika ziara ya uzinduzi huo, Magufuli aliongozana na Mkuu wa mkoa wa Dar es Salaam,wabunge wa maeneo husika na kuhudhuriwa na wananchi wa maeneo hayo. Akizungumza katika uzinduzi wa miradi hiyo, Magufuli aliwataka wakandarasi kukamilisha miradi kwa muda uliopangwa na kutaka sualala msongamano wa magari hususa ujenzi wa barabara hizo uangaliwe kwa jicho la hurua kwa wabunge wa mkoa huo kuungana katika kutetea bungeni.
Alisema serikali ni tajiri hivyo ni lazima watalipa huku akiwataka wakandarasi wote kuendelea na kazi na kudai kwani watalipwa kwani wiki iliyopita wamepata fedha kadhaa toka hazina na wataendelea kupokea na kulipa wakandarasi.
“miradi hii inagharimu sh.Trilioni moja na baada ya miaka mitatu suala la msongamano litakuwa historia; tulichelewa kuanza kujenga barabara hizo lakini tumeanza na tutakamilisha “ Alisema
Magufuli na kuongeza kuwa katika kuhakikisha misongamano inakuwa historia ni lazima wakazi wote kuungana na kuzingatia sheria kwa kuacha kufanya biashara katika barabara za pembeni ikiwa ni pamoja na kila mmoja kuwa mlinzi wa barabara.
“kwa mfano barabara za mradi wa mabasi yaendayo; kazi zitakazokamilika mwezi Machi mwaka huu na kuanza kutumika. Sasa zinafanywa ni soko kwa wafanyabiashara, hilo ni kosa” Alisema Magufuli na kuwataka mkuu wa mkoa na viongozi wa siasa kuzingatia sheria kwa kuondoa wauza matofari, gereji mitumba na wengineo huku akieleza kuwa wananchi watambue ukubwa wa barabara ni mita 15 kila upande.

Wakati wa uzinduzi wa barabara ya Msewe, Magufuli alihaidi kujenga ukuta wa shule ya msingi Msewe huku Mbunge wa Ubungo John Mnyika akichangia madawati yenye thamani ya sh.milioni 10 toka mfuko wa jimbo, naye Mwenyekiti wa Chama cha Mapinduzi mkoa wa Dar es Salaam, Ramadhani Madabida akitoa ahahdi ya CCM sh.milioni tano kwa ajili ya madawati shuleni hapo.

Awali, Mtendaji Mkuu wa Wakala wa Barabara nchini (TANROADS). Patrck Mfugale alisema barabra zote hizo zinasimamiwa na Tanroads kwa uurefu wa km 55.2 na barabara za urefu wa km 27.2 zimeishaanza kujengwa.

Zitto Kabwe kuibua Kashfa 3 kubwa Bungeni 2015 

Mwenyekiti wa PAC, Zitto Kabwe.

Kamati ya Bunge ya Hesabu za Serikali (PAC) katika mkutano wa vikao vya  Bunge  ulioanza jana mjini Dodoma huenda ukaibua ufisadi mwingine kufuatia ule wa Escrow kuwa bado haujasahaulika.
Katika mkutano huo Kamati ya Bunge ya Hesabu za serikali (PAC) inatarajia kuibua kashfa  nyingine ambazo ni ufisadi katika gharama za ujenzi wa jengo la watu mashuhuri (VIP) katika Uwanja wa Ndege wa Kimataifa wa Julius Nyerere (JNIA),misamaha ya kodi  pamoja   na uuzaji wa nyumba ya Bodi ya Korosho.
Kwa mujibu wa Mwenyekiti wa PAC, Zitto Kabwe amesema kuwa, tayari kamati yake  imepokea ripoti ya ukaguzi huo ambayo inaonyesha ufisadi wa kutisha katika maeneo hayo matatu na mengineyo.
Masuala hayo matatu pia yaliibuka wakati wa vikao vya kamati za Bunge vilivyomalizika Dar es Salaam wiki iliyopita, huku bodi ya korosho ikibanwa kuhusu nyumba yake aliyouziwa Mbunge wa Kibaha Mjini (CCM), Silvestry Koka.
Aidha ripoti hiyo inayoonyesha jinsi ufisadi wa kutisha ulivyofanywa katika ujenzi wa jengo la (VIP Lounge) na Serikali inadai ilitumia Sh12 bilioni kulijenga, lakini mthamini wa majengo ya Serikali ameeleza kuwa jengo hilo lina thamani ya Sh 3  bilioni.
Kwa upande wa  misamaha ya kodi, PAC imepokea taarifa kutoka kwa CAG ikionyesha kuwa misamaha hiyo iliyokuwa imefikia Sh1.5 trilioni mpaka Juni 2013, lakini baada ya mwaka moja misamaha hiyo imeongezeka hadi Sh1.8 trilioni mpaka Juni 2014.
Mtandao wa Hivisasa utaendelea kukujulisha kila kinachoendelea Bungeni mjini Dodoma katika vikao vya Bunge la Jamhuri ya Muungano wa Tanzania.

 

Guinea ya Ikweta na Congo zavuka Kundi A

Waandaji wa michuano ya mataifa ya Afrika Guinea ya Ikweta wamefanikiwa kuingia hatua ya 16 bora baada ya kuwachapa Gabon magoli 2-0, kwenye mchezo huo ambao ulikuwa mkali kutokana na kila timu kuwa na nafasi ya kufuzu. Magoli ya Guinea ya Ikweta yamefungwa na Javier Balboa kwenye dakika ya 55 kwa njia ya peanati na goli la pili likifungwa kwenye dakika za majeruhi na Iban Salvador Edu.

Mchezaji wa Guinea ya Ikweta Javier Balboa akifunga bao kwa njia ya penati

Kwa ushindi huo Guinea ya Ikweta inaungana na Congo ambayo imeifunga Burkina Faso magoli 2-1 huku magoli yakifungwa na  wachezaji Thievy Bifouma na Fabrice Ondama.
Burkina Fasso licha ya kufungwa magoli 2-1 ilishambulia sana lango la Congo huku mshambuliaji wake hatari Bance kulichachafya sana lango la Congo ila bila mafanikio.Congo ambao wanafuzu Kundi A kama washindi wa kundi wakifuatiwa na Guinea ya Ikweta wanasubiria michezo mingine ya makundi ili kujua zitacheza na nchi gani.

Msimamo wa ligi kuu nchini Tanzania

Baada ya kutoka sare ya 1-1 na Simba, Azam wanaendeleza uongozi wa ligi kuu nchini Tanzania huku wakifuatiwa na Yanga na Ruvu JKT kwenye nafasi ya tatu. Azam ambao ni mabingwa watetezi wanaendeleza uongozi baada ya sare hiyo na Simba kwenye uwanja wa Taifa.

Simba, Azam hakuna mbabe, zatoka  sare

Wachezaji wa Simba Ramadhan Singano na Dan Sserunkuma wakimpongeza Emanuel Okwi baada ya kufunga bao lake

Kapteni wa Azam FC John Bocco akimpongeza mchezaji mwenzake Kipre Tchetche kwa bao alilofunga huku wakicheza.

Mchezo kati ya Simba na Azam FC uliokuwa unapigwa katika Uwanja wa Taifa Jijini Dar es salaam, umemalizika kwa timu hizo kufungana bao moja moja na kufanya kugawana pointi licha ya wachezaji kupoteza nafasi za wazi kwa kila timu.
Simba ndio walikuwa wa kwanza kufunga kupitia kwa Emanuel Okwi dakika ya 19 kipindi cha kwanza ambapo alipiga mpira ambao uliingia moja kwa moja golini, na kufanya mchezo huo kumalizika kwa dakika 45 za kwanza vijana hao wa Msimbazi wakiongoza kwa bao hilo.
Kipindi cha pili kilianza kwa kasi Azam wakisaka bao la kusawazisha na ilipofika dakika ya 57 Mshambuliaji wa Azam FC Kipre Herman Tchetche akaiandikia bao la kusawazisha timu yake kabla kocho Joseph Omog haja mtoa na kuingia Kelvin Friday.
Kwa bahati mbaya Mashabiki wa Simba hadi mchezo unamalizika walikuwa katika hari ya Udhuni baada ya Nyota wao Emanuel Okwi kutolewa uwanjani na Madaktari akiwa hajitambui baada ya kuzimia alipogongana na beki wa Azam, Agrey Morris,Lakini amekimbizwa hosptala kwa matibabu zaidi.