Kova apiga marufuku maandamano ya CUF jijini Dar es salaam kesho
Mwenyekiti wa Jumuiya ya vijana chama cha Wananchi Cuf (JUVICUF) akizungumza na waandishi wa Habari leo jijini Dar es salaam.
Kamanda wa Polisi wa Kanada maalumu ya Dares salaam Suleiman Kova akipiga marufuku maandamano hayo.
Akizungumza na Waandishi wa Habari leo mwenyekiti wa Jumuiya hiyo Bw. Hamidu Boban amesema kuwa maandamano hayo yataongozwa na Waziri wa Miundombinu na Uchukuzi Zanzibar Bw. Juma Duni Haji na yataanzia maeneo ya Buguruni na kuelekea ofisi za wizara ya Mambo ya ndani na baadae kuelekea tume ya Taifa ya uchaguzi Tanzania.
Lengo la maandamano hayo ni kupinga na kulaani vikali nguvu na uvunjaji wa haki za binadamu unaofanywa na jeshi la Polisi. Lengo lingine la maandamano hayo ni kufikisha malalamiko yao tume ya uchaguzi kuhusiana na uchache wa siku zilizowekwa za uboreshaji wa Daftrari la kudumu la wapiga kura.
Katika hatua nyingine Kamanda wa Polisi wa Kanda maalumu ya Dar es salaam Suleiman Kova amepiga marufuku maandamano hayo na kusisitiza kuwa maandamano hayo siyo halali na itakuwa ni mbinu ya kuvuruga amani jijini Dares salaam.
Ameongeza kuwa sababu zilizotolewa za kufanya maandamano hayo ni sababu ambazo zinajadilika hata bila maandamano hivyo haoni haja ya kufanya maandamano hayo badala yake watafute njia nyigine ya kuwasilisha malalamiko yao.
Kwa upande mwingine amesisitiza kuwa kutokana na taarifa kuwa vijana hao wa CUF bado wanazidi kuhamasishana kufanya maandamano ni dhahiri kuwa lengo lao ni uvunjifu wa amani hivyo basi Polisi watatumia uwezo wao kuhakikisha kuwa wanazima maandamano hayo.